FESTIVAL DE NADAL 2016

Ola a tod@s:

Nestes vindeiros días subiremos as fotos e videos do festival. Pedimos paciencia xa que, ao haber nen@s que non teñen autorizada o uso da súa imaxe, temos que ir mirando foto por foto e os videos polo miúdo para non incluir a nengún destes nenos e nenas.

Boas festas!!!

RECOLLIDA DE ALIMENTOS

CONVOCATORIA DE FOLGA PARA O 24/11

Dende a ANPA do CEIP Maciñeira queremos dar o noso apoio á folga estudantil convocada para mañá xoves 24 de novembro. Entendemos que, a pesares do éxito que tivo a convocatoria do mes pasado, debemos seguir presionando para que o goberno suprima definitivamente as reválidas e non só as pospoña, tal e como se anunciara tras a primeira folga. Agora que o goberno  central non ten maioría absoluta, entendemos que hai posibilidades de que algo por fin cambie!

Aínda que a folga está dirixida ao ensino secundario, cremos dende a ANPA que como pais/nais debemos apoiar a convocatoria e acudir á concentración ás 12 diante do edificio administrativo da Xunta en Ferrol. Pensemos que @s nos@ fill@s pertencerán a esta etapa algún día!

Por esta razón, non haberá servizo de comedor nen actividades extraescolares o xoves 24, e pedimos desculpas polas molestias que isto poida ocasionar.

Información da páxina do Sindicato de Estudiantes

SAMAÍN!

Xa están as fotos subidas...

BOAS NOVAS...

Parece que as protestas tiveron efecto!

Algunhas imaxes da xornada de ontes pola mañá en Ferrol:

 
 

XUSTIFICANTE PARA A FOLGA DO 26/10

Bo día,

Achegamos modelo para todas as familias que desexen empregalo para xustificar a ausencia dos seus fillos o vindeiro mércores 26.

XUSTIFICANTE

CONVOCATORIA DE FOLGA DE ESTUDANTES PARA O 26/10

Achegamos información acerca deste asunto que nos envíou o Federación de ANPAS da Coruña:

Comunicado
10 Razóns para rexeitar as Reválidas

Tamén deixamos un vídeo de V Televisión da manifestación que houbo en Santiago o pasado abril.

REVISIÓN OFTALMOLÓXICA

EMPEZOU O COMEDOR!

Levamos 2 días de comedor e semella que a comida gusta!...

 

Lembramos que @s nen@s que faigan uso esporádico do comedor tamén deberán cubrir o impreso de alta (Modelo 1) que se atopa á vosa disposición no Colexio, para así ter constancia de que o autorizades e tamén saber se existe algunha alerxia/intolerancia.

@s usuari@s esporádic@s deberán avisar o día anterior de que van facer uso do comedor.

A empresa proveedora informa que debe facerse o pago vía domiciliación bancaria, polo que non poderemos recoller pagos na escola.

BO PROVEITO!

NOVA TENDA ESPECIALIZADA

CONCERTO SOLIDARIO

AXUDAS

Aberto o prazo para solicitar axudas para adquisición de libros e material escolar destinada a familas con menos recursos. Máis información AQUÍ.

ACTIVIDADES EXTRAESCOLARES

O prazo de inscrición en Actividades Extraescolares organizadas pola ANPA rematou o pasa día 23, e as que ofertamos son as seguintes:

Luns de 16  a 17: Debuxo con Leandro
Luns de 16  a 17: Aprende Inglés (pequenos)
Mércores e Venres: Natación (1 ou 2 días. Nun principio en horarios coma o ano pasado)
Xoves de 16 a 18: Patinaxe
Venres de 16 a 17.30: Obradoiro de Creatividade

Informamos que aínda hai prazas en todas as actividades, polo que se queredes anotar a máis nen@s chamade a Ana (648799180) ou Sonia (620292732). Agás en natación, poden vir probar calquera actividade antes de apuntarse.  Empezamos o luns día 3 de Outubro.

Animádeos a vir!!

COMEDOR ESCOLAR

O vindeiro luns 3 de outubro comeza o servizo de comedor no CEIP Maciñeira. Temos a 11 nen@s anotad@s, pero hai sitio para máis!

Se alguén quere facer uso do servizo que chame a Ana (648799180) ou Sonia (620292732).

Bo proveito!

   

VOLTA AO COLE!!!

Benvidos e benvidas ao novo curso 2016-2017!

Informámosvos que as clases darán comezo mañá luns 12 de setembro en horario de 9 a 2.

Bo regreso ás aulas!

       

COMEDOR PARA O CURSO 2016-2017!!

Ola a tod@s,

Xa é oficial! A iniciativa da ANPA fíxose realidade por fin. En Setembro enviaremos información do novo servizo de comedor.

5º E 6º DE VOLTA!

Arredor das 10 da noite voltaron. Polo que dicían, pasárono estupendamente!

Moitas grazas Ana e Antonio por acompañalos!!

Se alguén quere compartir as súas fotos neste blog, que as mande a anpamacineira@gmail.com.

EXCURSIÓN A CANTABRIA

Hoxe marcharon Ana e Antonio co alumnado de 5º e 6º a Cantabria, xunto con outros 2 colexios de Ferrolterra.

Pasádeo ben!

MARCHA CICLISTA 2016

Grazas a todos por axudar a que se levase a cabo a marcha ciclista dende o Colexio. Axiña subiremos as fotos!

Ler máis sobre o evento en La Voz de Galicia.

LETRAS GALEGAS 2016

O vindeiro venres 20 de maio ás 16.15  haberá un Festival no Colexio para celebrar o Día das Letras Galegas, adicado este ano a Manuel María.

Haberá servizo de autobús en ruta única que se iniciará ás 15.20 en Ladeiro, pasando logo por Anca, Liñares, Albarón, o instituto e O Roxal.

Estades todos convidados!

LUNS 16/05

Informamos que o vindeiro luns 16 de maio non será lectivo,

As clases retómanse o mércores 18.

MARCHA CICLISTA

Ide poñendo as vosas bicis a punto, xa que o venres 27 de maio temos a marcha ciclista!

EXCURSIÓN A CABÁRCENO

Informamos que a ANPA aportou á excursión de final de etapa, que terá lugar entre o 31/05 e o 3/06, un total de €665 para axuda do alumnado asociado.

A cada alumno ou alumna correspóndenlle €35, que foron ingresados na conta bancaria aberta para esta actividade.

Como dicimos sempre, estar asociado á ANPA é sempre unha ventaxa!!

22/04

Este venres 22 de abril non haberá clase, por ser un dos días non lectivos escollido polo Claustro.

ENTROIDO 2016

XORNADA REDUCIDA O VENRES 5

Ola a todos,

Lembrade que mañá a xornada escolar é de 10 a 13 horas.

A vindeira semana non voltaremos a clase ata o xoves 11.

Feliz Entroido!!!

PROGRAMA DE RADIO: DÍA DA PAZ 2016

En caso de non dar reproducido, premer AQUÍ